Erantzukizunak
Aurrekoaren antzeko antolamolde baten barneko erantzukizunak jarraian aurkeztuko direnak izan daitezke:
Enpresako gerentearen erantzukizunak dira hauek:
- Fabrikako produkzio-kontroleko sistema (FPK) osatzen duten dokumentuak onartzea.
- Arduradun eta langile guztien esku jartzea behar diren baliabide guztiak, ezarritako FPKko sisteman ezarritako eskakizun guztiak betetzeko.
- FPKko sistemaren aplikazio egokia gainbegiratzea.
- Barne-ikuskaritzen plangintzan eta gauzatzean parte hartzea eta horiek gainbegiratzea.
Enpresan fabrikako produkzio-kontrolaren arduradun bat ezartzen da, eta hauek dira haren erantzukizunak:
- Fabrikako produkzio-kontroleko sistema (FPK) osatzen duten dokumentuak editatzea eta berrikustea, dokumentu bakoitzaren eragin handiena duten arduradunekin batera.
- Indarrean den dokumentazioa pertsona inplikatuei entregatzea.
- Sistema honetan aipatutako urrats guzti-guztien jarraipena egitea, horiek betetzen direla egiaztatzeko.
- Barne-ikuskaritzen plangintzan parte hartzea eta ekintza zuzentzaileen plan bat gauzatzea.
- FPKko sistema osatzen duten edizio guztiak aldatzea, eguneratzea eta zaintzea, eta barne-ikuskaritzako txostenak kontrolatzea eta artxibatzea.
- Dokumentazio komertziala prestatzea.
- FPKri lotutako dokumentu guztiak, indarrean direnak eta zaharkituak, gordetzea eta zaintzea, ezarritako gutxieneko aldian zehar: 10 urtean.
- Eraginpeko arloko arduradunaren laguntzaz, detektatutako desadostasunak ebaztea.
Erosketen, salmenten eta logistikaren arduradunaren erantzukizunak dira hauek:
- Erosketak eta salmentak bezeroaren premien arabera programatzea.
- Zurez eta bestelako eransgarriez hornitzen duten hornitzaile guztiei eskatzea dagokion dokumentu administratiboa, zer material mota den eta zer ezaugarri dituen ziurtatzen duena.
- Jasotako lehengaia parkean sailkatzea.
- Produktua bidaltzea.
- FPKren arduradunarekin batera salmenta-arloak jakinarazitako desadostasun guztiak ebaztea.
Zur-parkearen arduradunaren erantzukizunak dira hauek:
- Jasotzean, zura espeziearen eta jatorriaren arabera bereiztea.
- Jasotako eta trontzatutako lehengaia parkean sailkatzea. Lehenago (egitura-zura) azaldutakoaren antzera.
- FPKren arduradunarekin batera, erosketa-arloak jakinarazitako desadostasunak ebaztea.
Produkzio-arduradunaren erantzukizunak dira hauek:
- Gainerako langileekin beharrezko jarduerak koordinatzea eta fabrikaziorako eta produkziorako behar diren ekipamenduak gainbegiratzea, planifikatutako programazioaren arabera.
- Planifikatutako fabrikako produkzio-prozesu operatiboa gainbegiratzea.
- Egindako kontrolak gainbegiratzea, berak egin ez baditu.
- Etiketatze zuzena egitea produkzio-prozesu osoan zehar eta azken produktua zuzen markatzea.
- Neurketa-ekipamenduen kalibratzea eta egiaztapena programatzea eta kontrolatzea.
- Produktua lortzean, inplikatutako ekipamenduetan behar diren mantentze-lanak programatzea eta kontrolatzea.
- FPKren arduradunarekin batera, produkzio-arloak jakinarazitako desadostasunak ebaztea.
Administrazio-arduradunaren erantzukizunak dira hauek:
- Lehengai-hornidura guztien ordezkagiriak egiaztatzea eta, zuraren kasuan, jatorriari buruzko informazioa ere bai.
- Produktuaren dokumentazioa sartzea eta zuzena dela egiaztatzea eta begiratzea.
- Sarrera-albaranak, fakturak eta erregistroak ziurtapen-erakundeak eskatutako denboran (10 urtean) gordetzea.
- CE logoa zuzen erabiltzea.
- FPKren arduradunarekin batera, administrazioak jakinarazitako desadostasun guztiak ebaztea.